მდინარე იორი

იორი, მდინარე აღმოსავლეთ საქართველოში და აზერბაიჯანში. შუა საუკუნეების ქართული წყაროები ასევე უწოდებენ „მცირე ალაზანს".

სათავეს იღებს კავკასიონის სამხრეთ კალთებზე, ზემოწელში მიედინება ხეობაში, შუაწელზე კვეთს სამგორის ქვაბულს და ერთვის მინგეჩაურის წყალსაცავს (ადრე უერთდებოდა მდინარე ალაზანს). ზღვის დონიდან 2600 მ. იორის სიგრძე 320 კმ-ია, აუზის ფართობი - 4650 კვ.კმ, წყლის საშუალო ხარჯი - 12 კუბ.მ/წმ (შესართავიდან 43 კმ-ში), საზრდოობს ძირითადად თოვლისა და წვიმის წყლებით.

ივრზე აგებულია მარეგულირებელი სიონის წყალსაცავი. იორის წყლით შეიქმნა თბილისის წყალსაცავი ("თბილისის ზღვა"). ივრის წყლით ირწყვის 90 ათ. ჰა-ზე მეტი ფართობი ივრის ზეგანზე. მდინარეზე აგებულია რამდენიმე სარწყავი სისტემა, რომელთაგან მთავარის სამგორის ზემო და ქვემო მაგისტრალური არხები. მოიპოვება მურწა, შამაია და სხვა.

წყარო: ka.wikipedia.org და  forum.ge