ნორვეგიული ბუხუნდი

ნორმეგიული ბუხუნი (norsk buhund) მეძაღლეობის ისტორიაში ამტკიცებენ, რომ ნორვეგიული ბუხუნდი საკმაოდ კარგად იყო გავრცელებული ჯერ კიდევ შუა საუკუნეებში. 874 წელს ნორვეგიელმა კოლონისტებმა ეს ძაღლები ისლანდიაში ჩამოიყვანეს, სადაც ისინი გახდნენ ადგილობრივი ისლანდიური ჯიშების გვარის ფუძემდებელი. სახელი ბუხუნდი წარმოშობილა ორი სიტყვისაგან: ბუ (ძაღლი, რომელიც მსხვილი რქოსანი პირუსტყვის მწყემსია) და ჰუნდ-ძაღლი.

ნორვეგილუ ბუხუნდს აქვს პატარა კომპაქტური სხეული. სიმაღლე მინდაოში: 42-45 სმ. წონა: დაახლოებით 25 კგ. ამ ჯიშის თავი დიდია, შუბლი ვიწროვდება ქვევითკენ. თვალები მუქი და ცოცხალია, ყურები-წაწვეტებული ფორმია, მოძრავი, კუდი-მოკლე, სქელი, შემოხვეული მჭიდრო რგოლში. ძაღლის ფეხები ძლიერია, ბალიშები-პატარა და ოვალური. ბეწვი ხშირია, დრუნჩზე-მოკლე, დანარჩენ სხეულზე-უფრო გრძელი. შეფერილობა: სიმინდისფერი, შავი, საშუალო წითური, ქვიშისფერი, შავ-ნაცრისფერი, ყოველთვის ერთტონიანი ან სიმეტრიული ლაქებით.

ხასიათი: ნორვეგიული ბუხუნდი მამაცი, ენერგიული, დამჯერი, თავდადებული და შრომისმოყვარე ძაღლია. იგი შეიძლება იყოს სამწყემსო, სადარაჯო და მონადირული ძაღლიც კი. ფლობს შესანიშნავ მხედველობას, სმენას და ყნოსვას და ყოველთვის ძალზე მოძრავია, ნორვეგიული პოლარული ღამის ხანგრძლივი თვეების მანძილზეც კი. ნორვეგიის გარდა, ეს ჯიში ასევე ფართოდაა გავრცელებული ინგლისსა და ავსტრალიაში.