არყა

არყა განეკუთვნება რძიანა სოკოების კლასს. ის არის თეთრი ფერის, ქუდი ახლად ამოსულს აქვს ქვემოთ ოვალურად დაზნექილი. ზრდასრულს კი ზემოთ მიშვერილი და ძაბრისებური. ქვემოდან მჭიდროთ განლაგებული ფირფიტებით ხასიათდება. გადატეხვისას ჟონავს რძისმაგვარი სითხე რომელიც დროდადრო ღებულობს მოლურჯო ან ცისფერ ფერს, მოგვიანებით კი მუქი ყავისფერი ხდება. იზრდება ფოთლოვან ტყეებში თითქმის ყოველგვარ პირობებში. არის მწარე გემოსი,მაგრამ ამ ნაკლის მოცილება ორჯერ მოხარშვით შეიძლება და ამის შემდეგ არყა ხდება ძალიან სასიამოვნო გემოს საკვები. რბილობი ძალიან მწარე და ცხარეა, რის გამოც „სოკო-პიმპილასაც" უწოდებენ. მოხარშულს წვავენ და აწყობენ ქინძძმარში. ხრაკავენ ხახვთან ერთად და ამწნილებენ კიდევაც. გვხვდება ზაფხულიდან გვიან შემოდგომამდე.

როგორც გაირკვა - არყა სოკო თრგუნავს ტუბერკულოზის ჩხირის ზრდას, და შემწვარი სახით გამოიყენება თირკმლის კენჭოვანი დაავადების დროს.