ჭიკვარა

ჭიკვარა გავრცელებულია ევროპაში, აზიაში, ჩ. – დ. აფრიკაში, ეგვიპტეში, ჩრდ. ამერიკის დასავლეთ ნაწილში, ცენტრალურ ამერიკაში, ანტალიის კუნძულებზე.

საქართველოს ფარგლებში ჭიკვარა მოიპოვება მიმოფრენისას თითქმის ყველგან. აღმოსავლეთ საქართველოში იგი ცნობილია როგორც მობუდარი ფორმა, ხოლო დასავლეთ საქართველოს რიგ ადგილებში მოზამთრე ფორმის სახით და იშვიათად კი როგორც მობუდარი.

ჭიკვარა ბინადრობს შინაგანი წყალსატევებისა და ზღვათა სანაპიროებზე. ხშირად გვხდება ტყეებში არსებულ წყალსატევებში. ბუდეს იკეთებს მიწაზე, წყალსატევების სანაპიროზე, ზოგჯერ კი მისგან საკმაოდ დაშორებითაც. დებს 8 – 10 კვერცხს. საკვებს შეადგენენ წყლისა და ხმელეთის მწერები და მათი მატლები, ლოკოკინები, ჭიები, წყლის ტკიპები, გვერდულები. ჭამს მცენარეთა ნორჩ ყლორტებსა და კვირტებს, წყალმცენარეებს.

ჭიკვარას საკმაოდ დიდი სარეწაო ღირებულება აქვს. იგი წარმოადგენს სპორტული ნადირობის მნიშვნელოვან ობიექტს.

ცნობილია ჭიკვარას რამდენიმე ქვესახე, რომელთაგან საქართველოში მოიპოვება ჩვეულებრივი ჭიკვარა – Anas crecca creca.

წყარო: monadire.com