ჭაობის პაწაწა ქათამურა

პაწაწა ქათამურა გავრცელებულია ევროპის ზომიერ სარტყელში, აზიის ზომიერსა და ტროპიკულ სარტყელში, აფრიკაში, მადაგასკარზე, ავსტრალიაში, ახალ ზელანდიაში.

საქართველოში პაწაწა ქათამურა მოიპოვება თითქმის ყველგან როგორც მობუდარი ფორმა.

პაწაწა ქათამურა ბინადრობს შინაგანი წყალსატევების სანაპიროებზე, რომლებიც დაფარულია ლერწმით, ჩალით, ბუჩქნარით. ბუდეს იკეთებს მიწაზე. დებს 8 – 10 კვერცხს. კრუხობის ხანგრძლივობა აღწევს 21 დღემდე. კრუხად მორიგეობით ჯდება ორივე მშობელი. ძირითად საკვებს შეადგენენ მწერები, მცირე ზომის ლოკოკინები.

ცნობილია პაწაწა ქათამურას 5 ქვესახე, რომელთაგან საქართველოს ფარგლებში მოიპოვება აღმოსავლური პაწაწა ქათამურა – Porzana pusilla pusilla.

წყარო: monadire.com