ესპანური მასტიფი

ესპანური მასტიფი, ამ ჯიშის სამშობლო ესპანეთია, უფრო ზუსტად კი ესტრემადურას მხარე. ესპანური მასტიფი აგრეთვე ცნობილია ესტრემადურას მასტიფისა და ლამანჩის სახელების ქვეშ.
ესპანური მასტიფი ძლიერი ძაღლია, რომელიც ხშირად დასაშინებელ შეხედულებას ფლობს. სიმაღლე მინდაოში: ხვადი 65-70 სმ. წონა: 50-60 კგ. ძუ რამდენადმე უფრო პატარაა. ესპანური მასტიფის თავი პროპორციულია, დრუნჩი-წაგრძელებული, ყბები-ძლიერი, ტუჩები კი წაწვეტებული, დაკიდებული. ამ ჯიშის კუდი ფოჩისებურია და ჩამოშვებული დაბლა. ბეწვი ხშირი და მოკლეა. უფრო ხშირად გვხვდება შემდეგი შეფერილობა: წითური, შავ-ნაცრისფერი, ყავისფერ-წითური, შავ-თეთრი, თეთრი ოქროსპერით, თეთრი ნაცრისფერით და ვეფხვისებრი.
ხასიათი: ესპანური მასტიფი ენერგიული (მოჩვენებითი ფლეგმატურობის მიუხედავად) და დამჯერი ძაღლია. იგი ერთგულია პატრონის მიმართ, მაგრამ უცხოების მიმართ იჩენს უნდობლობას. მარტივად ექვემდებარება წვრთნას. ესპანური მასტიფი ტიპიური ძაღლია, რომელიც უფრო ხშირად გამოიყენება კოტეჯების, ფაბრიკების, სამუშაო ტერიტორიების დაცვისთვის. თუმცა, მას შეუძლია სხვა სამუშაოს შესრულებაც, საქონლის დახვა, მგლებთან ბრძოლა, ნადირობა ტახზე და სხვა მსხვილ ნადირზე, ოთხთვალას ტარება გზებზე, სადაც ვერ დადის ტრანსპორტი. ომის დროს ამ ძაღლებს იყენებდნენ საბრძოლო მასალების მქონე საწყობების დასაცავად.