ირლანდიური სეტერი

"მონადდერ რუ"–ასე უწოდებდნენ მას გალურ ენაზე, ან "წითელი ძაღლი", ფესვებით XV საუკუნეში მიდის. ირლანდიური, ანუ წითელი სეტერები (XIX საუკუნეებში მათ სპანიელებს უწოდებდნენ) ყოველთვის თან ახლდნენ ირლანდიერ მონადირეებს. მიუხედავად იმისა, რომ ეს სხვა ძაღლთა ჯიშებს შორის ყველაზე ძველი არ არის, ითვლება, რომ იგი სხვებზე უფრო დიდი ხნის მანძილზე გამოიყენება სისუფთავეში, ირლანდიური სეტერი ელეგანტური, ათლეტურად აწყობილი, ფრინველზე საპირველკლასო მონადირე ძაღლია. სწრაფ ენერგიულ ჩორთზე ძებნა და მაღალი ნაბული მიწისადმი გართხმის გარეშე ყოველთვის ფასობდა მონადირეების მიერ. აქვს ძებნის დიდი ძიაპაზონი.
ირლანდიური სეტერი კეთილშობილი, ძალიან ლამაზი, ღირსებითა და ელეგანტურობით აღსავსე ძაღლია, რომელიც გამოირჩევა კარგად გამოხატული მონადირული გატაცებით და მაღალი სავსე თვისებებით. იგი ძალიან მოძრავი და ენერგიულია. ეს ჯიში ჰარმონიულად პროპორციული აგებულებისაა. ჩონჩხი და მუსკულატურა განვითარებულია კარგად. თავი გრძელი და მშრალი, დრუნჩი–ზომიერად ღრმა, მკერდი–ღრმა, მომრგვალო, კიდურები კი კუნთოვანია. ბეწვი საშუალო სიგრძისაა, რბილი, მჭიდროდ მიკრობილი, ყურებზე, ფეხებსა და მკერდზე უფრო გრძელი და ხშირი, ქმნის აბრეშუმისებრ მოხატულობას. შეფერილობა: მუქი წითელ–წითური, მოგვაგონებს წითელი ხის ფერს, მაგრამ არავითარ შემთხვევაში არ გადადის შავ ფერში. დაშვებულია მკერდზე პატარა თეთრი ლაქა. სიმაღლე მინდაოში: 63–69 სმ. წონა: 27–32 კგ.
ხასიათი: შრომისმოყვარე და დაუღლელი მონადირე ირლანდიური სეტერი–ჭეშმარიტი ჯენტლმენია ადამიანების მიმართ და შეიძლება იყოს კარგი სახლის ძაღლი.