კერნ ტერიერი

კერნ ტერიერი, უძველესი დროიდან შოტლანდიაში არსებობდა შემდეგი წესჩვეულება: სამფლობელოს ან სასაფლაოების საზღვრებზე დგამდნენ პატარა ზომის ქვის პირამიდებს, რომლებსაც უწოდებდნენ კერნს. ამ პირამიდაში ხშირად ბუდობდნენ პატარა მღრნელები, რომლებიც დიდ ზარალს უყენებდნენ მიმდებარე ფერმებს. ამიტომაც გადაწყდა განსაკუთრებული პატარა ძაღლის გამოყვანა, რომელიც შეძლებდა პირამიდაში შეღწევას და მავნებლების მოსპობას. ასე გაჩნდა კერნ ტერიერი. ეს ძაღლი ცნობილია 1500 წლიდან, გამოფენაზე მისი პირველი წარდგენა 1909 წელს მოხდა, პოპულარულობა კი 1930 წლის შემდეგ მოიპოვა.

კერნ ტერიერი გარეგნულად მელიას ჰგავს. ნას აქვს ძლიერი, მაგრამ არა მძიმე დრუნჩი და ფართო თავი. თანკბილვა მაკრატელისებურია. ამ ჯიშს აქვს ღრმად ჩამოსული მუქი კაკლისფერი თვალები. ყურები აწეული და წაწვეტებულია, კუდი-აწეული, ფეხები-მოკლე, მაგრამ ძლიერი. სიმაღლე მინდაოში: მაქსიმალური 30 სმ. წონა: იდეალური 6,3 კგ. ბეწვი ხშირი და გამძლეა ხშირი და რბილი ქინქლით. შეფერილობა: წითური, ქვიშისფერი, ნაცრისფერი, პილპილი მარილით, შავი.

ხასიათი: კერნ ტერიერი ხალისიანი, ერთგული და მოსიყვარულე ძაღლია. მისი გაწვრთვნა შეიძლება საცირკო ტრიუკებზე. საუკუნეების მანძილზე კერნ ტერიერს იყენებდნენ მელიებზე, მაჩვებზე, ბოცვრებზე და წავზე სანადიროდ. მაგრამ იმის მიუხედავად, რომ მისი წინაპრები ამდენი ხნის განმავლობაში სოფლის ადგილებში ცხოვრობდნენ, კერც ტერიერი შესანიშნავად შეეჩვია ქალაქის პირობებს და გახდა ჩინებული კომპანიონი.