კუდიანი ექიმები

ნობილია, რომ ადამიანები, რომლებსაც შინაური ცხოველები ჰყავთ, უფრო დიდხანს ცხოვრობენ, იშვიათად ავადდებიან და ხშირად იღიმიან. ისიც ფაქტია, რომ შინაური ცხოველები სხვადასხვა დაავადებასაც კურნავენ.

ძლიერი იმუნიტეტი

იმ ბავშვებს, რომლებსაც სახლში შინაური ცხოველი ჰყავთ, 77%-ით მყარი იმუნიტეტი აქვთ ალერგიის მიმართ, ვიდრე მათ თანატოლებს, რომლებსაც ოთხფეხა მეგობრებთან არ აქვთ სისტემატიური კონტაქტი. თუკი სახლში ორზე მეტი ცხოველი გყავთ, ალერგიის წარმოშობის რისკი კიდევ უფრო მინიმალურია.

განსაკუთრებული კავშირი

ლეგენდის თანახმად, სწორედ ქალმა მიიჩვია პირველად კატა და მას საკუთარ სახლში დაუდო ბინა. მას შემდეგ ხშირად საუბრობენ ამ ორი არსების ემოციურ მსგავსებაზე. თუკი რამე გტკივათ, კატა აუცილებლად მტკივნეულ ადგილთან მოგიცუცქდდებათ, თუ ცუდ განწყობაზე ხართ_ კუდის ქიცინით მოვა დასამშვიდებლად. როდესაც კატას უყურებთ, თქვენი წნევა რეგულირდება, თავის ტკივილი კი უკვალოდ ქრება.

ოთხფეხა სპორტსმენები

XIX საუკუნის დასაწყისში ადამიანი სიცოცხლის მანძილზე, დაახლოებით 75 ათას კილომეტრს გადიოდა ფეხით. XXI საუკუნეში ეს რიცხვი 42 ათას კილომეტერს შეადგენს. ამ შედეგის გაზრდას აუცილებალდ შეძლებთ, თუკი ძაღლის იყოლიებთ. ის გაიძულებთ დღეში ნახევარი საათი მაინც ისეირნოთ მასთან ერთად.

ცხენის ძალა

ცხენით გასეირნება სტრესის მოსახსნელად არაჩვეულებრივი საშუალებაა. ავადმყოფობისგან განსაკურნად კი ჯერ კიდევ ძველი ბერძნები მიმართავდნენ ამ მეთოდს.

საუკეთესო მეგობრები

7-8 წლის ბავშვების 90%, მშობლების შემდეგ, ყველაზე საყვარელ არსებად სწორედ შინაურ ცხოველებს ასახელებენ. აღმოჩნდა, რომ ბავშვები, რომლებსაც შინაური ცხოველები ჰყავთ, უფრო ადვილად ურთიერთობენ და მეგობრობენ თანატოლებთან. ამას გარდა, სწავლის კოეფიციენტიც უფრო მაღალი აქვთ. ამ ფაქტს მეცნიერები ასე ხსნიან: როდესაც იმ ოთახში, სადაც ბავშვი მეცადინეობს, ოთხფეხა ცხოველიცაა, ეს ბავშვის ნერვებზე დამამშვიდებლად მოქმედებს და ამასთან, საკუთარი თავის რწმენას ჰმატებს მას.


წყარო: marao.ge