კურცხაარი

წარმოშობა – ეს ჯიში გასული საუკუნის ბოლოს იქნა გამოყვანილი გერმანიაში ძველგერმანული მოკლებეწვიანი მეძებრისა და ძველესპანური პოინტერის, ასევე ზოგიერთი დოგისმაგვარი ჯიშისა და ინგლისური პოინტერის შეჯვარების გზით.აღწერილობა_ – გერმანული მოკლებეწვიანი მეძებარი – ეს ელეგანტური ძაღლები 62-64 სმ სიმაღლის არიან. წონით – 25-32 კგ. სტანდარტის თანახმად, ამ ძაღლებს უნდა ჰქონდეთ დახვეწილად გამოყვანილი თავი, ფართო შუბლი, ძლიერად წამოწეული ყავისფერი ცხვირი, ყავისფერი თვალები. საშუალო სიგრძის, ბოლოში მომრგვალებული ყურები. მკერდი სიგრძეში უფრო დიდი აქვს, ვიდრე სიგანეში. ბეწვი მოკლე, ხშირი, შეხებისას უხეშია.
შესაძლო შეფერილობა: მთლიანად ყავისფერი, ყავისფერი პატარა ლაქებით მკერდსა და თათებზე, მუქი ყავისფერი ღია ფერის ლაქებით, თეთრი ყავისფერი ლაქებით, შავი ნებისმიერ ზემოთჩამოთვლილ ფერთან ერთად.
ხასიათი – იმპულსური, კარგად ექვემდებარება გაწვრთნას, ჭკვიანი, მხიარული, დამჯერი, ადვილად პოულობს საერთო ენას ბავშვებთან.
გამოყენება – კურცჰაარს შეუძლია ნანადირევის დაცვა, ასევე მოდარაჯე ძაღლის ფუნქციის შესრულება. ამ ძაღლებს შეუძლიათ გაყვნენ მონადირეს მთაში, ტყეში, ჭაობიან ადგილში ნებისმიერ ამინდში.მიუხედავად იმისა, რომ მას შესანიშნავი ხასიათი აქვს, კურცჰაარი არ არის განკუთვნილი ბინაში ცხოვრებისათვის. მაგრამ როცა მთავრდება სანადირო სეზონი, ამ ძაღლებს შეუძლიათ შეეგუონ ნებისმიერ პირობებს, თუ ექნებათ საშუალება, ხშირად ისეირნონ.