ლეიკლენდ ტერიერი

ლეიკლენდ ტერიერი, ეს ჯიში გამოიყვანეს XIX საუკუნეში. სავარაუდოდ, იგი მიღებულ იქნა ბედლინგტონ ტერიერისა და ძველინგლისური უხეშბეწვიანი ტერიერის შეჯვარების შედეგად. ლეიკლენდ ტერიერის ჯიში დარეგისტრირდა 1921 წელს.
ლეიკლენდ ტერიერი ძალიან ენერგიული ძაღლია. მას აქვს ლამაზი წაგრძელებული თავი და ძლიერი ტანადი ფეხები, სიმაღლე მინდაოში: არაუმეტეს 37 სმ. წონა: ხვადი დაახლოებით 8 კგ. ძუ დაახლოებით 7 კგ. ამ ჯიშის ყურები პატარაა, V-ფორმის, ყბები-ძლიერი, კუდი-აწეული, მაგრამ რგოლში არ იხვევა. ბწევი ხშირი, უხეში და კარგი ქინქლითაა, რაც საშუალებას აძლევს ძაღლს მარტივად გადაიტანოს ცივი და მშრალი ამინდი. შეფერილობა: მოწითურო-მოშაო, მოწითურო-მოცისფრო, სიმინდისფერი, პილპილი მარილით და წითური ფერებით, მოწითალო-მოყავისფრო, ცისფერი, შავი. დასაშვებია თეთრი ლაქები თათებსა და მკერდზე. ამ ჯიშის ძაღლებს ესაჭიროებათ გაკრეჭა.
ხასიათი: ლეიკლენდ ტერიერი ერთგული, ხალისიანი, მოძრავი, ემოციური ძაღლია, ხშირად გამტანი და ჯიუტიც კი. ლეიკლენდ ტერიერთა სამშობლოში, ლეილის ოლქში (ინგლისში), მათ წარმატებით იყენებდნენ წყალში წავებზე და სოროებში მაჩვებსა და მელიებზე სანადიროდ, განსაკუთრებით მთიან და ბორცვიან ადგილებში. დღესდღეისობით, თავისი სილამაზისა და ხასიათის წყალობით, ლეიკლენდ ტერიერი გახდა მშვენიერი კომპანიონი ძაღლი.