ნორფოლკ ტერიერი

ნორფოლკ ტერიერი გამოიყვანეს ნორფოლკის ოლქში. იგი ოფიციალურად არც ისე დიდი ხნის წინ დარეგისტრირდა. ნორფოლკ ტერიერი ერთ-ერთი ყველაზე პატარა ტერიერია. სიმაღლე მინდაოში: დაახლოებით 25 სმ. წონა: 4-5 კგ. ძაღლი საკმაოდ ღონიერია და გააჩნია ძლიერი ჩონჩხი. დრუნჩი ასევე ძლიერია მძლავრი ყბებით, თვალები მუქი და ძალიან ცოცხალია, ყურები ჩამოშვებულია კიდერის გასწვრივ. კუდი კუპირებულია სიგრძის ნახევრამდე. ფეხები მოკლეა, წინა-სწორი და ძლიერი, უკანა-ძალიან კუნთოვანი. ამ ჯიშის ბეწვი ხშირი, უხეში და სწორია, მჭიდროდ ეკრობა სხეულს. შეფერილობა: წითურის ყველა ელფერი, სიმინდისფერ-წითური, შავი ნაცრისფერი ლაქებით.
ხასიათი: ნორფოლკ ტერიერი აქტიური, მამაცი, ერთგული, გაწონასწორებული ძაღლია. არასოდეს ავლენს ნერვიულობას ან მოჩხუბარობას. ეს ჯიში გამოიყვანეს წვრილ ნადირზე სანადიროდ და პრაქტიკაში მან მშვენივრად გამოავლინა საკუთარი თავი, როგორც მელიებზე, ბოცვრებზე და წავებზე მონადირემ. ამის გარდა, ნორფოლკ ტერიერი შეიძლება იყოს კომპანიონიც, თუმცა, ჯერჯერობით მან ფართო გავრცელება ვერ მოიპოვა.