შევარდენი

მთლიანი სიგრძე 40-50 სმ. ფრთის სიგრძე 30-39 სმ. გაშლილი ფრთებით 85-120 სმ. წონა 700-1300 გრ. დედალი შევარდენი ზომით მამალზე 1/3 -ით მეტია. როგორც წესი შევარდენი ბუდეს არ იშენებს. სარგებლობს სხვა ფრინველის მიერ აშენებული ბუდით, სხვა შემთხვევაში ბუდობს მიწაზე ან კლდეზე ნაპრალში. დებს 2-4 კვერცხს. ბუდეზე ორივე მშობელი ჯდება, უმეტესად კი დედალი. იკვებება (იშვიათი გამონაკლისის გარდა) ფრინველებით, რომლებსაც მოიპოვებს ჰაერში. უმეტესად ნადირობს საშუალო ზომის ფრინველზე: მტრედზე, იხვზე, ყვავებზე. შევარდნით ნადირობას ჩვენში დიდი ხანია უკვე აღარ მისდევენ და შავარდენიც აქ ძლიერ იშვიათი სანახავი გახდა.