ზარნაშო

ზარნაშო, ფრინველების გვარი ბუსნაირთა რიგისა. გავრცელებულია ევროპაში, აზიაში, აფრიკასა და ჩრდილოეთ ამერიკაში. ბუების რიგის ყველაზე დიდი წარმომადგენელია ჩვეულებრივი ზარნაშო. მისი სხეულის სიგრძეა 65-80 სმ, ფრთების შლილი 175 სმ, წონა 2-3 კგ. დედალი მამალზე დიდია. ძირითადად მობინადრეა. გვხვდება მთასა და ბარში, ტყესა და უდაბნოში. იკვებება კურდღლებით, ფრინველებით, რითაც მცირეოდენი ზიანი მოაქვს, მაგრამ სასაგრებლოცაა - სპობს დიდძალ თაგვისებრ მღრღნელებს. წვრთნიან და იყენებენ სანადიროდ.